Page:De la Démonomanie des Sorciers (1587).djvu/214

ayant sinistre opinion qu'elle se debauchast, la menassa de la tuer, si elle ne luy disoit où elle alloit. Se voyant en danger, elle luy dist la verité, and pour en faire preuue: Si vous voulez, dist elle, vous y viendrez, and luy bailla de l'onguent, duquel ils se gresserent tous deux: and apres quelques parolles, le Diable les trãsporta de Loches aux landes de Bourdeaux, qui sont pour le moins à quinze iournees de Loches. L'homme se voyant en la compagnie de grand nombre de Sorciers and Sorcieres incogncuës, and de Diables hydeux à voir en figure humaine, commença à dire, mon Dieu ou sommes nous? Aussi tost la compagnie disparut, and se trouua tout nud, errant tout seul par les champs iusques au matin, qu'il trouua quelques païsans, qui l'addresserent au chemin. Estant de retour à Loches, il s'en va droict au Iuge Criminel, lequel ayant ouy l'histoire, feit prendre la femme, qui confessa de poinct en poinct tout ce que nous auons dict, and sans contrainte recogneut sa faute. Il se trouua aussi à Lyon vne damoyselle depuis peu d'annees, laquelle se leua la nuict, and allumant de la chandelle print vne bouette, and s'oignit, puis auec quelques paroles elle fut transportee. Son paillard estant couché auecques elle, voyant ioüer ce mystere, prend la chandelle, and cherhe par tout, and ne la trouuant poinct, ains seulement la bouette de gresse par curiosité de sçauoir la force de l'onguent fit, comme il auoit veu faire, and soudain fut aussi transporté, and se trouua au pays de Lorraine auec la compagnie des Sorciers, où il eut frayeur: mais si Page 229