futuro. Car tout ainsi que la vraye louange est propre à Dieu seul: aussi est il certain que si l'homme est loué sans rapporter la louange au Createur, il aduient que ceux qui sont louez par trop s'esgayent en se glorifiant: and lors Sathan les transporte à pleins voiles és precipes de leur ruine ineuitable. Mais passons outre. Le Docteur Grilland Italien, and les cinq Inquisiteurs, qui ont fait le procez à plusieurs Sorciers en Allemaigne, and en Italie, s'accordent aux procez qu'on à faict en ce Royaume à ceux qui en ont esté conuaincus. Et mesmement à Lyon, à Loches, au Mans, à Poictiers, à Sanlis, à Paris. Iehan Chartier, qui a composé l'histoire de Charles septiesme dict, que Guillaume Edelin Docteur de la Sorbonne fut condamné comme Sorcier la vigile de Noël, M. CCCC. LIII. and confessa qu'il auoit esté plusieurs fois la nuict transporté aux assemblees des Sorciers, and illec renoncé Dieu, and adoré le Diable en figure de bouc, le baisant au fondement. Il est besoing de verifier ce poinct par exemples notables, pour faire entendre le Canon Episcopi XXVI. q. v. du Concile d'Anquicence sur lequel plusieurs se sont abusez: encores, qu'il ne soit pas d'vn Concile general, ny approuué par les Theologiens. Mais pour esclaircir ce que i'ay dict, il n'y à procez plus notable, que le procez de la Sorciere de Loches, qui est de fresche memoire. Car comme il y eut vn pauure homme, lequel apperçeut, que sa femme s'absentoit la nuict par fois, and demeuroit bonne partie de la nuict, and sur ce qu'elle disoit aller à ses necessitez, and tantost chez sa voisine, pour faire la lessiue, and que son mary l'eust Page 228
conuaincuë de menterie
