Diable a de coustume de marquer les siens libro de coronà militis Christiani: and de Baptismo, and in libro, de velandis virginib. and Hyppolite martyr in orat. de consummat. mundi. escrit ces mots parlant du Diable, Adducet eos ad adorandum ipsum, ac sibi obtemperantes sigillo suo notabit. Ie mettray plusieurs exemples pour confirmation de celà. M. Claude Doffay Procureur du Roy à Ribemont m'a dict, qu'il auoit veu la marque de Iehanne Heruillier Sorciere, de laquelle il m'a enuoyé tout le procez, and le iour suyuant la marque se trouua effacee. Celuy qui fut condamné par le Preuost de l'Hostel M. D. LXXI. qui s'appelloit Des-eschelles du Mayne, ayant obtenu grace, pour reueler ses complices, quand on le menoit és assemblees, il recognoissoit ceux, qu'il auoit veuz aux Sabbats, ou bien par quelque autre marque, qu'ils sçauent entre-eux. Et pour verifier son dire, il disoit qu'ils estoient marquez, and qu'on trouueroit la marque en les despouillant: and de faict on trouuoit qu'ils estoient marquez comme de la patte ou piste d'vn lieure, qui estoit insensible, en sorte que les Sorciers ne sentent poinct les poinctures, quand on les perce iusques aux os au lieu de la marque. Mais il s'en trouua si grand nombre riches, and pauures que les vns firent eschapper les autres: en sorte que ceste vermine à tousiours multiplié auec vn tesmoignage perpetuel de l'impieté des accusez, and de la souffrance des Iuges, qui auoient la commission, and charge d'en faire les procez. Le Seigneur de Pibrac m'a recite que son frere Chancelier Page 226
du Roy de Nauarre ne pouuant
