Page:De la Démonomanie des Sorciers (1587).djvu/210

inuoque le Diable ou qu'il se presente sans estre inuoqué: soit forme d'homme noir, ou fort pale, comme il faict le plus souuent: soit en forme de chien, comme il apparut à Abel de la Ruë, estant ieune Cordelier à Meaux, ainsi qu'il a confessé deuant qu'il fust condamné à mort, par Arrest de la Court de Parlement confirmatif de la sentence du Iuge de Colomiers, le 30. Iuillet 1582. estant aux chambres aisees entre cinq, and six heures du soir despit d'auoir esté batu: le Diable, s'aparut en chie (02) noir luy disant qu'il n'eust point de peur, and qui se donnast à luy, and qu'il n'auroit iamais mal: and celà fait disparut: six semaines apres il luy apparut en figure d'homme blesme, and effroyable à voir auec l'alaine, and le corps puant, habillé de noir, and les pieds de vache: qui luy dist qui se fiast en luy, and le transporta soubs vn gibet: ie laisse le reste. Quant aux marques, c'est bien chose certaine, and que les Iuges voyent ordinairement, si elles ne sont bien cachees: comme i'ay sceu d'vn gentilhomme de Valoys, qu'il y en a qui ont la marque entre les lebures, les autres soubs la paupiere, comme escrit Daneau, les autres au fondement, quãd ils craignent estre decouuers, and ordinairement sur l'espaule dextre, and les femmes sur la cuisse, ou bien soubs l'esselle ou bien aux parties honteuses. Aubert de Poictiers Aduocat en Parlement m'a dict qu'il auoit assisté à l'instruction du procez d'vn Sorcier mareschal de Chasteau Thiery, qui se trouua marqué sur l'espaule dextre, and le iour suyuant le Diable luy auoit effacé la marque. Tertullian à ce propos dict que le Page 225