de Dieu à son ayde, and qu'il s'addonnast à seruir Dieu de bon cueur. Depuis ie n'ay veu le personnage, ny peu sçauoir s'il s'estoit repenty. Il appelloit son esprit son petit maistre. Car Sathan pour abuser les hommes a tousiours cherché de beaux mots, comme d'Esprit familier, and blanc Demon, and petit maistre, par ce que les mots de Sathan, and Diable sont odieux: Et la pluspart des Sorciers l'appellent petit maistre, comme i'ay leu au liure de Paul Grilland Italien, qui en a faict executer plusieurs à mort. Nous auons dict de ceux, qui inuoquent les malins esprits à leurs ayde, pour leur commander and les auoir en leur puissance, ou qui les achetent pour s'en seruir, cõbien que les marchants se trouuent asseruis d'vne cruelle seruitude: and qui font les inuocatious par ceremonies, sacrifices, and parolles propres à cela, lesquelles ie n'ay voulu mettre par escrit, combien qu'il y en a trop d'imprimez, and par beaux priuileges: au lieu que on deuoit faire brusler les autheurs, and leurs ouurages: c'est la cause pourquoy en c'est uure ie me suis efforcé de couurir and cacher ce qui peut donner la moindre occasion aux Esprits curieux de faire essay de telles meschancetez: ains seulement i'ay declaré ce qui peut seruir à l'instruction des Iuges, and de ceux qui pourroient tomber en la fosse par les piperies de Sathan: Disons maintenant de ceux, qui outre les inuocations renoncent expressément à Dieu leur Createur, and à toute Religion and promettent seruir le Diable, and qui sont marquez de luy. Page 222
