melancholicque: mais depuis ayant veu le mystere deuant leurs yeux, auec vne infinité de peuple, and que la fille estant entre deux ou trois femmes, soudain ils voyoie (02) t qu'elle s'escrioit, and aussi tost se trouuoit liee par les deux mains, en sorte qu'il estoit impossible de la deslier, sans coupper le lien, il confessa qu'il y auoit vn malin esprit. Personne ne voyoit rien hormis la fille, qui voyoit vn nuage blanc, quand l'esprit malin la venoit lier. Et quand les Sorcieres, and Sorciers confessent la copulatiõ charnelle auec le malin esprit, plusieurs Medecins disent que ce sont Ephialtes, and Hyphialtes, ou Incubes, and Succubes, and enfleure (02) t de rate: Et par ce moyen ils dementent la loy de Dieu, and tiennent les hommes en aueuglissement and ignorance, and sont cause de l'impunité des plus grandes meschancetez du monde. Et quant aux diuinations ils disent que ce sont resueries, and neantmoins on en voit les effects si estranges, qu'il n'y a personne qui ne soit raui en admiration, s'ils auoient bien leu Platon, ils eussent trouué qu'il auoit faict deux sortes de diuinatiõ, ou Theomantie: l'vne qui aduient par maladie: l'autre qui est inspiree par les Dæmons: Et quoy qu'Aristote escrit qu'il n'y a point de diuination extrinseque: si est ce que son opinion à esté mocquee de tous les Philosophes, and de l'experience tres-certaine: and luy mesme s'en est departy au liure du Monde, qu'il a dedié au Roy Alexandre le Grand. Il est bien vray que Platon pour n'auoir eu cognoissance de la loy de Dieu (qui n'estoit pas encores traduite d'Hebrieu en Grec de son temps, and ne le fut de cinquante ans apres) n'a pas Page 219
distingué la prediction Diuine,
