elicere, cum puerorum extis deos manes mactare soleas, and c. Il n'y-a pas long temps, and de la memoire de nos Peres, que publiquement, quand on vouloit canonizer ceux qui auoient reputation d'estre saincts, on lisoit certain liure plein d'inuocatiõs: and cela se faisoit la nuict: on appelloit ce liure le Grimoire, tenu secret, duquel ie ne feray point iugement, ny de chose sainctement faicte, and à bonne fin: mais bien ie tiens, que c'est chose damnable d'vser de Necromãtie, and demander au diable pere de mensonge, la verité des choses cachees, and mesme du salut des hommes, comme Nicephore descrit au 3. liure, chap. 23. vne detestable Necromantie par l'euocation des ames de deux Euesques Arriens, qui vindrent, ainsi qu'il dict, and signerent les Decrets du Concile de Nicene, ce qu'ils n'auoient voulu faire de leur viuant. Car la pluspart de ces ames, que les Necromantiens pensent attirer par sacrifices, ne sont rien autre chose que les Diables: cõme il fut aueré au procés d'Abel de la Ruë, lequel estant Cordelier à Meaux, il ouurit le Grimoire qui estoit en la Sacristie, and si tost qu'il eut leu dedans, le Diable luy apparut, and luy demanda qui l'auoit incité à lire dedans ce liure: and lors il print possession dudit Abel, and l'emporta soubs le gibet. C'est pourquoy ceux qui tiennent des testes de mort, s'ils ne sont Medecins, ou Chirurgiens, font ordinairement le mestier des Necromantiens, comme dict Ioachimus Camerarius en auoir veu n'a pas long temps, qui faisoient parler le Diable par vne teste de mort. Et n'y-a pas long temps qu'en Paris, en la maison du Medecin, des plus anciens, vn sien amy, Page 211
