de ces hommes damnables pour s'en garder soigneusement. Il y auoit vne autre sorte de Necromantie de laquelle parle Thomas d'Aquin, quand on stipule de celuy qui va mourir que apres sa mort, il luy viendra dire nouuelles de son estat: comme il est aduenu de Guerin Aduocat du Roy en Prouence, qui auoit promis à sa femme qu'il la viendroit aduertir s'il mouroit: si tost qu'il fut pendu à Paris, sa femme estant en Prouence, apperceut en sa main sa figure viuement imprimee que vne infinité de personnes ont veu: and la chose fut aueree en presence du Roy Henry second: mais ie tiens que c'estoit Sathan, à fin qu'on fuye ceste impieté. Ie sçay bien que les anciens tenoient que les ames des occis souuent pourchassent la vengeance des meurtriers. Nous lisons en Plutarque, que Pausanias Roy de Lacedemone, estant à Constantinople, on luy fist present d'vne ieune Damoyselle, and d'autant qu'elle estoit fille, elle auoit honte d'aller à luy, que chacun ne fust retiré, and lors entrant en la chambre la nuict, elle fist tomber la lumiere, ce qui esueilla Pausanias en sursaut, and pensant qu'on le voulust tuer en tenebres, tout effrayé il print sa dague and tua la Damoy selle, sans cognoistre qui c'estoit: deslors Pausanias fut incessamment tourmenté d'vn esprit iusques à la mort, qui ressembloit, comme il disoit, à la Damoy selle. I'ay veu vn ieune homme prisonnier l'an M. D. LXIX. qui auoit tué sa femme en cholere, and qui auoit eu sa grace, qui luy fut enterinee, lequel neantmoins se plaignoit, qu'il n'auoit aucun repos, estant toutes les nuicts batu par icelle, comme il disoit: Et toutesfois on sçait assez, que Page 208
