en tout le Royaume, où la chose est aduenue, combien qu'il n'y eust que cinq personnes quand la chose fut faicte. On trouue vne histoire qui approche de celle cy de l'Empereur Theodoric, lequel apres auoir faict trencher la teste à Symmachus, quand on luy seruit à table, la teste d'vn gros poisson, il luy sembla voir, la teste de Symmachus, and entrant en furie mourut bien tost apres. Il y en a vne semblable en Phlegon d'vne teste apres auoir esté trenchee du corps, predist aux Etoliens les calamitez and guerres qu'ils souffrirent depuis. Et s'il est ainsi, qui peut douter que Dieu n'ait mis en la bouche de cest enfant occis ces deux mots? car il ne sçauoit ny Grec ny Latin, veu la vengeance soudaine, qu'il a prise d'vne meschanceté si execrable? Si ce n'estoir qu'on voulust dire que l'esprit de l'enfant, ou son Ange parla and tourmenta le Roy pour se venger d'vn tel outrage: car plus le sang est innoce (02) t, plus la vengeance est grande. En quoy on peut voir vne impieté execrable, de prendre vne personne innocente, and masle, and premier né (que Dieu2 veut en sa loy luy estre sanctifié) and le sacrifier au Diable, pour sçauoir les choses futures: Qui n'est pas vne impieté nouuelle, mais bie (02) fort ancienne, comme à noté Elias Leuites, qui appelle cela cn son Hebrieu Teraphim: vray est qu'il dict, qu'on mettoit la teste sanglante sur vne lame d'or, auec le nom du Dæmon, and quelques characteres que ie ne mettray point, puis qu'on l'adoroit en disant quelques mots, qu'il ne faut dire ny escrire, comme i'ay resolu de faire neantmoins il est besoin qu'on sçache combien est grande l'impieté -notes- 2Omne primogenitum apertens vuluam, säctum Domino votabitur. Page 207
