par tel moyen les hommes ne fussent induits à idolatrie: comme en cas pareil il fist brusler le Serpent de cuiure rapporté du desert, que le simple peuple adoroit. A plus forte raison doibt on iuger idolatrie d'adiouster foy aux mots and caracteres, qui ne sont point formez de Dieu, comme les autres creatures, ains sont inuentez des hommes ou des malins esprits: qui est non seulement idolatrie, ains aussi pure sorcellerie. I'appelle idolatrie auec sainct Augustin, and tous les anciens and nouueaux Theologiens, se destourner du Createur à la creature: Is vsent de ces mots, Auersio à Creatore ad creaturam, Aussi void on que les paroles ne viennent iamais à reussir à effect, si l'homme n'y met sa fiance: Alors Sathan qui veille, s'entremet à la trauerse, and pour vn temps guerir l'idolatrie, pour en fin le rendre Sorcier parfaict, comme nous dirons en son lieu. On dira, peut-estre, que la voix, la parole de Dieu, les deux tables escrites de sa main sont uures de Dieu, comme le Soleil, and la Lune, and le Ciel, and par consequent que elles ont force naturelle: c'est l'aduis du Prince de la Mirande and de Reuclin: Mais ie dy que telles paroles n'ont force, sinon pour l'effect, pour lequel Dieu les a prononcees, and grauees de ses doigts, and non pas pour faire la tempeste, and le beau temps, ou autre chose, mais bien pour donner la vie eternelle à celuy qui les mettra à execution, comme il est dict, Hoc fac, and viues. Mais les paroles des hommes, ou de Sathan n'ont pas plus de force que des fruicts en peinture, ou des statuës, and autres choses artificielles, mais bien Page 197
