Dieu vn mouton, vne brebis, qui ne soit toute blanche sans tache, il faut aussi entendre, qu'il faut auoir l'ame qu'on veut offrir à Dieu, pure and nette: and ne veut pas qu'elle soit boiteuse, qui signifie qu'il faut marcher droict en la loy de Dieu. Philon Hebrieu est admirable en ses interpretations pour le moral, and Leon, and Maymon pour la nature, and le liure du Zoar, qui n'est encores tourné du Caldean pour tous les deux. Mais tout ainsi que nous auons dict des predictions naturelles, de l'Astrologie, and autres sciences semblables, aussi faut-il bien en la Cabale se garder de l'abus qui se commet, and duquel i'ay parlé cy deuant. Car il n'y-a chose si saincte, and si sacree, qui ne soit soüillee and infectee par Sathã and ses supposts. Car c'est vne imposture Diabolique, de prendre l'Escriture saincte, pour en vser comme de charmes, and iamais les anciens Hebrieux n'y ont pensé: Ce qui a donné occasion aux Payens de calomnier la parole de Dieu, and la Cabale des Hebrieux, de la quelle Pline au XXX. liure, chapitre premier, escrit ainsi: Est alia Magices factio à Mose, and Iochabella Iudæis pendens, Il a corrompu le mot de Cabala, qui signifie en Grec, [Greek omitted], c'est à dire, Science apprise en escoutant, and qui ne s'escrit point du mot [Hebrew omitted], par ce qu'il estoit defendu d'enseigner la Cabale, que de bouche en bouche, and à ceux qui auoient passé quarante ans: mais il n'estoit point question de prononcer des paroles, pour faire miracles, comme Reuclin, and Galatin ont voulu, qui est vn abus: Et si on me dict, que prononcer vn certain verset des Psalmes, pour s'esueiller à telle heure Page 194
