Et me souuient auoir ouy dire à Riolé Lieutenant general de Blois, qu'vne femme à l'Eglise apperceut vn petit garçon nouant l'esguillette sous son chappeau lors qu'on espousoit deux personnes, and fut surpris auec l'esguillette, and s'enfuit. Il y en eut vn autre condamné à mort pour telles liaisons par luy confessees de trois mariages, pendant qu'on disoit la messe, a certains mots que ie ne mettray point: il confessa aussi auoir csté aux assemblecs, and sacrifices des Sorciers, ayant adoré le diable, en forme de bouc, le tout par sa confession sans tourture, il s'appelloit Abel de la Rue, executé l'an 1582. par arrest de la Cour. Estant aussi à Poictiers aux grands iours substitut du procureur du Roy, l'an 1567. on m'apporte quelque proces de Sorciers, and comme ie recitois le faict du procés à mõ hostesse, qui est Damoiselle en bõne reputation, elle discourut comme fort sçauante en telle science, en la presence de Iacques de Beauuais, lors Greffier des presentations du parlement de Paris, and de moy estans logez ensemble, qu'il y auoit plus de cinquante sortes de nouër l'esguillette: l'vne pour empescher l'homme marié sculement: l'autre pour empescher la femme mariee seulement, à fin que l'vn ennuyé de l'impuisfence de sa partie cõmette adultere auec d'autres. D'auantage elle disoit qu'il n'y auoit gueres que l'homme qu'on liast: Puis elle disoit qu'on pouuoit lier pour vn iour, pour vn an, pour iamais, ou du mois d'autãt que l'esguillette dureroit, s'ils n'estoient desliez, and qu'il y auoit vne telle liaison, que l'vn aimoit l'autre and neantmoins estoit hay à mort: l'autre moyen qu'ils s'aymoient Page 175
