Le premier autheur est Lycophron de Chalcide, qui est entre les sorts illicites, si on adiouste foy, encores que cela ne depende pas du sort. Mais il y-a vne autre façon de sort, duquel les anciens vsoyent, and l'appelloient Alectryomantie, prenant le coq, qu'ils disoient estre l'oyseau du Soleil, Dieu des diuinations.G1 De laquelle vsa Iamblique, pour sçauoir qui seroit Empereur apres Valens, and se trouua que le coq auoit designé quatre lettres [Greek omitted], dequoy estant aduerty l'Empereur, fist mourir plus de cent Sorciers, and Iamblique s'empoisonna des premiers, and fist aussi mourir tous les gens de marque, qui s'appelloient Theodore, Theodote, Theodule, and autres semblables. Voila comme le Diable paye ses seruiteurs. La façon, ie ne la declareray point, and seroit besoin que les autheurs de l'histoire l'eussent oublice, car cela est tout plein d'impieté, and defendu expressément en la loy de Dieu, où il est dict, non inueniatur in te sortilegus, quia est abhominatio Deo tuo. Il vse du mot, Manahes, qui vient du verbe5, [Hebrew omitted], qui signifie Nombrer, ou faire caracteres, par ce que tous les sortileges and manieres de sorts, qui sont infinies, dependent des caracteres, and du nombre, prenant pour le nom vniuersel de telles sciences, ce qui est le plus vsité. Autrement le vray mot de sort en Hebrieu est goral, pur, soles, qui ne sont point portez par la defense de la loy, pour les causes, que nous auons dictes cy dessus. Et faict bien à noter le passage3, qui comprend les sortes de diuination defendues, qui porte premierement de faite passer les enfans par le feu, chose que le Rabin Maymon dict -notes- G1[Greek omitted] à Gallis. 5[Hebrew omitted] Supputation dont vient le mot Arabesque Almena. h c est à dire, la supputation, comme la langue Arabes que est tiree de l'Hebrieu. 3Deut.18. Page 150
auoir veu obseruer en Ægypte
