d'oliue qu'ils appelloient Herme, c'est à dire, Mercure: Et apres ils gettoient les sorts, and tiroient tout premier la fueille d'oliue: Et pour corriger ce Paganisme, les Chrestiens faisans vn Roy au sort, tirent premierement pour Dieu. Encores n'est-ce pas assez d'appeller Dieu au sort qu'on gette, mais il n'en faut vser sinon en chose necessaire, comme celles que nous auons dict: autrement qui voudroit en choses legeres, ou par curiosité, ou bien mesme en chose d'estat, sçauoir s'il faut entreprendre la guerre ou autre chose de consequence, il ne faut pas getter au sort: car ce seroit tenter Dieu, ce qui est bien expressement defendu. Mais en ce cas, Dauid and les saincts personnages demandoient conseil à Dieu, and lors il faisoit sçauoir sa volonté par les Prophetes, ou par le Pontife, qui portoit l'Ephod, ou Pectoral, duquel nous auons parlé cy dessus: ou bien Dieu reueloit en songe ou vision, à celuy mesmes qui demandoit aduis: Et generalement en toutes choses de consequence les saincts personnages demandoient conseil à Dieu, lequel encores qu'il ne fist response quelquesfois, si est-ce qu'il conduisoit l'affaire à bonne fin, si la chose estoit bonne, and le c ur droict, qui demandoit conseil. Et d'autant qu'il aduint à Iosué de traicter la paix auec les Gabaonites sans auoir demandé conseil à Dieu, il fut deceu par eux, par ce que, dict l'Escriture, ils n'auoient pas demandé conseil à Dieu. A plus forte raison doibt on reprouuer les sorts Diaboliques 4, c'est à dire, ou les noms des Dieux estranges sont appellez: comme estoient anciennement les sorts Deliens, Liciens, Prenestins, -notes- 4[Greek omitted] Page 147
