Page:De la Démonomanie des Sorciers (1587).djvu/123

voyans trompez, en ont faict le Prouerbe, Fronti nulla fides. C'est pourquoy Alcibiade s'eclata de rire, quand il ouyt dire à Zopire Physiognome, que Socrate estoit dameret and paillard, and fort cholere: Et neantmoins Socrate le confessa: Mais il dist que l'amour de sagesse l'auoit tout changé. Aussi voyons nous que tel porte le visage d'vne vierge, qui a le cueur d'vn lyon, comme estoit Alexandre le Grand: Et bien souuent celuy qui porte vn lyon au front, a vn lieure au cueur. C'est pourquoy la Metoposcopie, and les predictions d'icelles sont humaines, pour l'incertitude aussi, quoy qu'on attribue à Aristote le liure de la Physiognomie, qui comprend la Metoposcopie qui n'a rien du style d'Aristote. Et par ainsi en ostant l'asseurance and necessité qu'on met en la Physiognomie and Metoposcopie, l'vsage naturel ne peut estre blasmé. Mais il n'y a propos ny apparence aucune, de mettre la Chiromantie, ou Chiroscopie au rang des arts Physiognomiques, attendu que les principes des maistres, qui en ont escrit sõt contraires comme le feu and l'eau, and qui plus est, les lineamens changent pour la pluspart, and ne sont iamais semblables, en enfãce, aage florissante, and en vieillesse. Quãd aux autres predictions populaires ie laisse d'en parler, parce qu'elles ne meritent qu'õ en face mise, ny recepte, comme d'ouyr chanter les ranes trop fort signifie pluye: and que le plõgeon se iette en l'eau, and que les grues se retirent des eaux, and autres semblables infinies qui sont humaines, and depende (02) t aussi en parrie Page 138