Page:De la Démonomanie des Sorciers (1587).djvu/113

la terre de miniere, pour la faire croistre plus haulte. Toutes ses predictions cogneuës par l'experience, encores que les causes soient occultes and ignorees, neantmoins elles sõt naturelles, and la recherche d'icelles descouure la grandeur, and beauté emerueillable des uures de Dieu. Or tout ainsi que les moyens naturels, que Dieu nous a donnez pour sçauoir les choses occultes and futures, sont bons and louables, aussi sont tous les moyens naturels qu'il nous a enseignez pour nous entretenir, nourrir, vestir, maintenir en santé, force, and allegresse, and pour guarir les maladies, pourueu qu'on recongnoisse, que la force des alimens, des medicamens, and autres puissances occultes, qui sont és Ele. ments, plantes, pierres, metaux, animaux, viennent de Dieu, qui retire sa force, quand bon luy semble, and qui rompt la force du pain, comme il est dict en la loy de Dieu, quand il y enuoie la famine: c'est pourquoy le Roy Asa est bien fort blasmé en l'Escriture de ce qu'il appelloit bien les Medecins pour luy donner guarison à ses gouttes, mais il ny appelloit pas Dieu. Mais celuy qui prend la force ou la puissance des choses naturelles, comme procedans d'elles, faict iniure à Dieu, auquel appartient la louange. C'est pourquoy Galen à la fin des XX. liures qu'il a faict de l'Vsage des parties du corps humain, ayant descouuert les secrets admirables, qui y sont concluz ainsi, Il me semble, dict-il, que nous auons chanté vn beau chant d'honneur à la louange de Dieu. Et encores mieux Seneque, blasmant ceux qui disoient, Page 128