Christ en Italie, and en France, disant que Saturne en la neufiesme maison signifioit la desertion de sa Religion, and Mars auec la Lune en la septiesme, monstroit le genre de mort: Chose ridicule, attendu que Mars estoit en son propre signe, qui est ignee. Mais l'impieté est beaucoup plus grande de vouloir asseruir la Religion aux Astres, comme aussi a faict Aben-Esra, qui auoit predict, qu'il naistroit vn grand Capitaine, pour afranchir les Iuifs, qu'il appelloit Messie, l'an M. CCCC. LXIIII. ce qui n'est poinct aduenu. Laissant dõcques ces opinions, and diuinations pleines d'impieté, and d'ignorance, nous nous arresterons seulement aux naturelles predictions, pour le regard des influences celestes sur les corps, and sur les humeurs. Vray est que les esprits, and meurs des personnes, suyuent bien souuent les humeurs, comme dict Galen, au liure qu'il a faict, Que les meurs suiuent les humeurs: mais celà n'est point necessaire, and n'y a qu'vne in clination naturelle, and non pas necessité. Et par ainsi quand nous lisons que la langue Saincte (par la quelle Adam, ainsi qu'il est escrit au Genese, nomma toutes choses selon leur proprieté naturelle) appella Saturne [Hebrew omitted], c'est à dire, Reposé and Tranquille, pour l'inclination naturelle de ceux qui ont Saturne maistre de l'Horoscope, qui sont ordinairement melancholiques, reposez, and contemplateurs, and Iuppiter [Hebrew omitted], c'est à dire, Iuste, par ce que ceux là qui ont Iuppiter chef de l'Horoscope semblent enclins à la Iustice politique, and Mars [Hebrew omitted], qui signifie robuste, pour l'inclination naturelle qu'il donne, estant maistre de l'Horoscope, rendant aucunement Page 124
