de cent ans, que le temps est expiré. Et en cas pareil Arnoldus Espagnol ineptement auoit predict que l'Antechrist viendroit l'an M. CCC. XLV: and le Cardinal d'Ailly, qui a remply son liure de tels mensonges, discourant de la fin des trois religions, suppose qu'il y a sept mil sept cens cinquante and huict ans, depuis la creation du monde, où il a failly de quinze cens ans par le calcul approuué des Chrestiens, and des Hebrieux faisant aussi en l'Horoscope de la creation du monde, que le Soleil soit au Belier, lequel neantmoins estoit en la Libre par le texte formel3 de la Bible, où il appert que le premier iour du monde fut celuy que nous disons maintenant le vingtiesme de Septembre, qui est le signe de la Libre. Cyprian Leouice de nostre aage a bien passé outre: car il dict que la Religion de Iesus Christ, and la fin du monde sera l'an M. D. LXXXIII. Et l'asseure en sorte, qu'il dict: Proculdubio alterum aduentum filij hominis in sede maiestatis suæ prænuntiat, pour la grande coniunction en la triplicité a quatique de Iesus Christ: qui est vne incongruité notable en Astrologie, and impieté en termes de Religion: car iamais Planette ne ruina son signe ny sa maison, and luppiter est conioinct aux poissons, en la cõiunction qu'il crainct si fort, qui est le signe de Iuppiter conioinct auec Saturne, qui est son amy. Et puis qu'il asseuroit tellement, qu'on n'en doit aucunement douter, c'est vne extreme folie à luy d'auoir taillé pour trente ans d'Ephemerides apres la fin du monde, comme il a faict. Et le iugement de Cardan n'est pas moins inepte, qui a calculé, and faict imprimer l'Horoscope de Iesus -notes- 3Exodi. c. 23 loseph. cap. 3. lib. 5. Antiq. Rabi Abrabam Aben-Esra in 7. cap. Danielis initium mundi in mense Tisri constituut, qui mensis est September. Page 123
