la gloire de Dieu, de faire choses si emerueillables par ses creatures. C'est l'aduis de Damascene2, and de Thomas d'Aquin au liure de Sortibus, and au liure des Iugemens Astronomiques: and de mesme opinion est aussi l'Escot: Et par ainsi il ne faut suyure l'erreur de Lactãce Firmian, qui dict que l'Astrologie, Necromantie, Magie, Aruspicine, ont esté trouuees par les malins esprits: ce qui est bien veritable des autres, mais l'Astrologie: and la cognoissance des effects celestes est donnee de Dieu. Et combien que Caluin3 de propos deliberé, comme il semble, voyant que melancthon auoit en trop grande recommendation l'Astrologie l'a raualee le plus qu'il a esté possible: neantmoins il a esté contrainct de confesser les effects esmerueillables des Astres: adioustant seulement que Dieu est par sus tout celà, and qu'il ne faut rien craindre à celuy qui se fie en Dieu. Et Ptolemee en dict bien autant, que le Sage commande au Ciel: c'est pourquoy Abraham4 Aben-Esra, grand Astrologue entre les Iuifs dict, que les enfans d'Israël ne sont point subiects aux Astres, il entend tous ceux qui se fient en Dieu. Mais celuy qui ne craint point Dieu, il passera, dict Salomon, soubs la rouë: où il est certain qu'il entend le Ciel, and les vertus and influences celestes. Et par mesme moyen Leon Hebrieu interpretant les allegories de la Bible, où il est dict que l'Ange Cherubin au deuant du Paradis, faict larouë d'vn glaiue flamboyant, il dict que c'est le Ciel flamboyant, and plein de lumieres celestes, par la force, and influence desquelles Dieu entretient ce monde materiel, laquelle matiere empesche l'homme brutal and -notes- 2in Theologicis sententus. 3au liure contre les Astrologues 4Sur le decalogae. Idem træ istur in libris [Hebrew omitted] Page 116
