Page:De Pisan - Œuvres poétiques, tome 1.djvu/255

— Je suis gary de mes douleurs,
Quant vous me faittes bonne chiere,
Ma gracieuse dame chiere ;
Mais quant vers moy estes yrée^[1]
La mort est de moy désirée.

68

Je vous vens le levrier courant.
— Pour vostre amour me vois morant ;
Ce pouez vous veoir a l’ueil,
Et pitié n’en avez ne dueil.

69

Je vous vens la fleur mipartie.
— Sommes nous a la departie
De noz amours, beau doulx ami ?
S’il est ainsi ce poise mi,
Car je ne l’ay pas desservi ;
Doulent suis quant oncques vous vi.^[2]

70^[3]

Je vous vens l’escrinet tout plein.
— Mon nom y trouverez a plain
Et de cil qu’oncques plus amay,
Par qui j’ay souffeit maint esmay,
Se vous y querez proprement ;
Or regardez mon se je ment.

Explicit Jeux à vendre.

1. 67. — 5 A² q. e. V. m. y.
2. 69. — 6 B¹ Ce poise moy qu’oncques v. v.
3. 70. — On trouve dans « escrinet » les anagrammes de « Crestine » et de « Estien ». Rubrique B¹ Ci fenissent gieux a v.