Page:De Pisan - Œuvres poétiques, tome 1.djvu/252

56

Je vous vens la fleur de glay.^[1]
— Chantons, dançons, menons bon glay,
En despit de mesdisans
Qui aux amans sont nuisans.^[2]

57

Je vous vens la perle fine.
— Se par vous ma doulour ne fine,^[3]
Ma dame trés affinée,
Vous fustes pour ma fin née ;
Car Amours m’a si affiné
Que tost me verrez deffiné ;
Mais mieulx vueil ma vie finer
Que d’ainsi languir ne finer.

58

Je ne vens ne donne les yeulz
Beaulz et plaisans, doulz, gracieux.
De vo beau vis, qui m’ont attrait,
Doulce dame, par leur doulz trait,^[4]
Ainçois les retiens pour ma part ;^[5]
Car par eulx tout mal de moy part.

59

Chascun vous vent, mais je vous veuil donner^[6]
Mon cuer, mon corps, et vous abandoner^[7]

1. 56. — 1 B Je v. v. la fueille de g.
2. — 4 B Q. s. a. a. n.
3. 57. — 2 A² Se p. V. mon mal ne f.
4. 58. — 4. B p. vo d. t.
5. — 5 B de ma p.
6. 59. — 1 A² vous donne
7. — 2 A² v. abandonne — et 'manque dans B¹