Le texte de cette page a été corrigé et est conforme au fac-similé.
44
Je vous vens la marjoleine.
— Je tiens la dame a vilaine,
Se amant mercy lui crie
Et humblement la deprie,
De repondre rudement
Et lui mettre a sus qu’il ment.[1]
45
Je vous vens la fueille de houx.
— J’ay bel ami plaisant et doulx ;
Dieu veuille qu’aussi bon soit il
Come il est bel, jeune et gentil.[2]
46
Je vous vens la blonde tresce.
— Ma trés gracieuse maistresse,
Que j’aim et crain et servir vueil,
Trés belle, plaisant, sanz orgueil,
Comandez moy, je suis tout prest
A vous obeïr sanz arrest.
47
Je vous vens le souspir parfont,
Que mains faulz amans contrefont.
— Telz gens fièrent sanz deffier,
Si ne s’i doit on pas fier,
Car tel a assez souspiré