Le texte de cette page a été corrigé et est conforme au fac-similé.
Car j’ay ami loial et bon,
A qui cuer, corps et amour don.
36
Je vous vens le chapel de bievre.
— Jalousie vault pis que fievre ;
Si ne croiez riens qu’on vous die
Qui vous traye a tel maladie,
Se voulez amours maintenir,
Gaiement et lié vous tenir.[1]
37
Je vous vens la rose de may.
— Oncques en ma vie n’amay
Autant dame ne damoiselle
Que je fais vous, gente pucelle,[2]
Si me retenez a ami,
Car tout avez le cuer de mi.
38
Je vous vens la fleur de seûr.
— Je ne suis pas bien aseiir
Que j’aye vostre amour ou non
Pour tant se d’ami ay le nom ;
Car partout vostre belle chierc,
Ce me semble, envers nul n’est fiere.[3]
39
Je vous vens la violete.