Le texte de cette page a été corrigé et est conforme au fac-similé.
21
Je vous vens l’oisellet en cage.
— Se vous estes faulx c’est dommage,
Car vous estes et bel et doulz,
Si n’aiez telle tache en vous
Et digne serez d’estre amé,
Bel et bon et bien renommé.[1]
22
Je vous vens le vers chapellet.
— Nul amant ne peut estre let,
Mais que ses taches soient bonnes.
De loiaulté suive les bonnes,
Si sera digne que l’en l’aime
Et que sa dame ami le claime.
23
Je vous vens la clere fontaine.
— Je voy bien que je pers ma peine,
Dame, de tant vous requérir ;
Puis que riens n’y puis acquérir ;
Qu’oncques vous vy l’eure maudi,
Je m’en vois et a Dieu vous di.
24
Je vous vens le chappel de soie.
— Guidiez vous qu’a pourveoir soie
D’ami plaisant, jeune et joly,[2]
