Le texte de cette page a été corrigé et est conforme au fac-similé.
Belle que j’aim, mais sanz demour[1]
Me vueillicz donner vostre amour.
4
Je vous vens le papegay.
— Vous estes bel et bon et gay,
Sire, et en tous cas bien apris ;
Mais oncques a amer n’appris,[2]
Encore n’y sçaroie aprendre[3]
N’a amer par amours me prendre.
5
Je vous vens la fleur de mellier.
— Sire joly chevalier,
Telle pour vous souvent souspire
Qui vous aime et ne l’ose dire.
6
Je vous vens l’esparvier apris.
— Bien vouldroie estre de tel pris,
Qu’aucune damoiselle ou dame
Me daignast amer, car, par m’ame,
A mon pouoir l’aserviroie
Tant que s’amour desserviroie.[4]
7
Je vous vens le vert muguet.
— Mesdisans sont en agait,
