Page:De Pisan - Œuvres poétiques, tome 1.djvu/220

Le texte de cette page a été corrigé et est conforme au fac-similé.


Mis m’avez en si dur pli[1]
Qu’enroiddis suis comme uns fus,
De tel dueil m’avez rempli.

Que m’occiez vous suppli,[2]
Car de mère mar nés fus,[3]
Nul de moy n’est plus confus,[4]
De tel dueil m’avez rempli.



XLII


Or est mon cuer rentré en double peine[5]
Quant le mary, ma dame, est revenu,
Qui du païs s’est hors longtemps tenu,

Helas ! j’ay eu du tout en mon demaine[6]
Joye et plaisir et soulaz maintenu,[7]
Or est mon cuer rentré en double peine.[5]

Il me touldra, Dieux lui doint maie estraine,
Tout mon deduit, car souvent et menu
J’estoye d’elle au giste retenu,[8]
Or est mon cuer rentré en double peine.[5]

  1. XLI. — 4 B Or suiz en si trés d. p.
  2. — 7 B Tuez moy je v. s
  3. — 8 A2 B de m. mal.
  4. — 9 A2 Ne de m. — B N’il n’e. de m.
  5. a, b et c XLII. — 1, 6, 10 A1 entrez en d. p.
  6. — 4 A a m. d.
  7. — 5 B J. p et s.
  8. — 9 A J’e. au g. d’e. r.