Cette page a été validée par deux contributeurs.
Il le me convient endurer,
Et selon le temps moy riuler
Et en bon gré tout recevoir,
En espérant de mieulx avoir.
VII
Je ne sçay comment je dure ;
Car mon dolent cuer font d’yre,[1]
Et plaindre n’oze, ne dire
Ma doulereuse aventure,[2]
Ma dolente vie obscure,[3]
Riens, fors la mort, ne désire ;
Je ne sçay comment je dure.
Et me fault par couverture
Chanter quant mon cuer souspire,
Et faire semblant de rire ;
Mais Dieux scet ce que j’endure ;
Je ne sçay comment je dure.
VIII
Puis que vous vous en alez,
Je ne vous sçay plus que dire,
M’amour, mais en grief martire
Me tendrez, se vous voulez.[4]
