plus il n’en veult faire pour exercer les pauvres, parce que les dits actes seront récompensés et gratiffiés par les conseilliers.
Le second régent enseignera la langue latine et instruira les enffants à la langue grecque, à sçavoir lire, décliner, depuys Pasques Jusques à la Saint-Remy, et prendra pour banc et toilles, de chacun, cinq solz, et pour les chandelles, quarante, et pour le landit, un écu, et fera une Déclamation à la mi-caresme de troys de ses enffans, et aura de gaiges trente escus par chacun an.
Le troisième enseignera les rudiments, à décliner et conjuguer, depuis la Saint-Remy jusques à Pasques ; et, depuys Pasques jusques à la Saint-Remy, le Despautaire selon la capacité des enffans, et aura de gaiges, vingt escus, de bancs et toilles, cinq sols, de chandelles, vingt sols, et de landit, quarante solz.
Le quatrième sera un très-bon escrivain, qui aura de gaiges vingt escus, qui aprendra seullement à bien escripre et orthograffier, compter et jetter, et aura par moys cinq solz au moings, ou plus selon le moyen des enffans.
Le cinquiesme sera un abécédaire, qui aura troys solz par moys sans gaiges.
