n’eſt point vne creature de la Vertu ; non pas meſme de la Vertu du Sang : Le merite n’y a point de part ; non pas meſme le merite de la Race. Les Affranchis de Claudius, les Valets des Enfans de Constantin, les Gouuerneurs des Enfans de Theodose, les Euſebes & les Eutropes ne ſont point de legitimes Fauoris, & beaucoup moins de legitimes Miniſtres. Et certes, i’ay pitié de l’Empire, & i’ay honte pour l’Empereur, quand je voy l’Empire & l’Empereur, dans ces mains ſeruiles & mercenaires.
Ie voy, auec horreur, ces vilains ſpectacles des Regnes infortunez, ces productions monſtrüeuſes des mauuais Temps. Temps aueugles, & pleins de tenebres ; Malheureux en Princes, & ſteriles d’Hommes. Et, à voſtre auis, y a-t’il eu de Solitaire ſi eloigné de la Cour, & prenant ſi peu de part aux choſes du Monde, qui ait pû regarder, ſans deſpit, les choſes tellement hors de leur place, & le Monde renuerſé de cette ſorte ? Y a-t’il eu de ſi
