quel il y a vn fer large aigu dont les tonnelliers vſent à rabotter les douues des tonneaux & caques.
Couuertures de coustil. Pour couurir tentes & pauillons, deſſus chariots & charettes.
Crampon de fer. Du Grec κάμπτω, curuo, curuare, courber, en Hebrieu capap. Pour raiſon de quoy crampes eſt deriué, & crampon par ſimilitude. On en met dans les moyeux des rouës à canon, couleurine & battarde pour tenir en eſtat les emboittures de cuiure y eſtans.
Crochet de retraicte. De cac, Hebrieu, κίκος, premierement pourroit auoir eſte proferé, & que puis apres inſerant vn ρ, fut fait κρίκος, tout ce qui eſt crochu : & ainſi de ce mot Grec, croc, crochet fut retenu en François. De ces crochets de retraicte, il y en a deux à chacun affuſt de canon, couleurine & battarde, tenus par le premier boulon, pour ſeruir ainſi qu’il eſt dit cy-deuant, ſous le nom de combleau.
Cuiraſſe. Armure pour caualier, mot confondu quelquefois auec celuy de corſelet, anciennement, Thorax coriaceus,