nomme ainſi, comme fait Surius en ſon Commentaire ou hiſtoires de l’année mil cinq cens vingt quatre, parlant d’vne couleurine d’argent que Fernand Cortés enuoya à l’Empereur Charles le Quint, par Diego de Soto, laquelle fut eſtimée valoir cinquante mil ducats. Le dit Pierre Martyr fait mention de deux couleurines, decade huictieſme chapitres IX. & X. leſquelles eſtoient preſque d’or, & enuoyées en deux voyages audit Empereur, tant de la part dudit Cortés, que des Indiens, en l’année mil cinq cens vingt cinq. Paradin luy donne vn autre nom, liure quatrieſme des hiſtoires de ſon temps, au traicté du ſiege de Landrecy, en l’an mil cinq cens quarante deux. Landa æneum tormentum miræ longitudinis (colubrum vocant) exmedijs caſtris hoſtium rapiens, in vrbem auexit. Le Capitaine la Lande enleuant au milieu & à trauers du guet des ennemis, vne piece d’artillerie de merueilleuſe longueur (qu’on nomme couleurine) l’a fit charroyer & emmener dans la ville.
Coulombe, ou colombe. Engin ſe poſant ſur quatre pieds en terre, au milieu du-
