dient, charbons de deſolation, parce qu’ils brulent viuement & conſomment efficacement. Or c’eſt aſſez ſur ce mot.
Le cvr. Recitez quelque choſe du charbon d’autre bois.
l’Avt. Celuy de bois bruſlé ne ſe pourrit iamais, bien que ce ſoit vne choſe fragile. C’eſt pourquoy on en a mis autrefois aux fondemens des grands baſtimens, non pas tant afin que la baſe en fuſt plus ferme, que pour la durée : pour ceſte cauſe le Temple de Diane fut fondé ſur du charbon. De vray, il faut coniecturer qu’on y meſte de la chaux & autres choſes gluantes, d’autant que le charbon dure dauantage lors qu’il y interuient de l’humeur, & de cecy fut inuenteur l’excellent Architecte Creſiphon. Or la force du charbon ne procede pas de l’embrazemẽt, ains de l’amortiſſement, car il eſt bien plus fort eſtant eſteint que quand on le garde en ſon entier, & il commence de prendre force lors qu’on croit qu’il eſt mort. De tout cecy, voyez Pline liure trente ſixieſme chapitre XIV. Sainct Auguſtin liure vingt-vnieſme de la Cité de Dieu, cha-
