auec lequel il regna. La preuue paroiſt aſſez euidante en ce qu’il ne ſe parle point de Maiſon Royale à Fontainebleau auparauant luy, & qu’il eſt conſtant par quelques Lettres & Titres en datte de l’an de ſalut mil 1169 cent ſoixante neuf, leſquels nous auons au treſor de nos Chartes, que ce fut ce Roy qui y fit edifier vne Egliſe en l’honneur de la Vierge, & de Sainct Saturnin, y eſtablit & dotta vn Chapelain à perpetuité, où pour ſon entretien (apres pluſieurs autres dons) la Charte porte en termes exprés, Que quand le Roy, on la Reyne, ou ſon ſils ſeiourneront à Fontainebleau, ce Chapelain aura ſa liurée entiere de quatre pains par iour, demiſeptier de vin, deux deniers pour ſa cuisine, & vne toiſe de chandelle, qui eſtoit alors vn don aſſez conſiderable.
Et il y a apparence que la pieté de ce Prince auoit fait baſtir cette Egliſe en ſon Chaſteau, afin que ſa Maieſté & toute la Cour y peuſſent faire leurs deuotions : car pour lors il n’y auoit point d’Egliſe ny de Chapelle plus proche que celle de la parroiſſe de Sainct Pierre d’Auon, éloignée d’vn demy quart de lieuë.
Où pour marque immortelle, combien cét Illuſtre Monarque auoit aymé le Seiour de Fontainebleau, il voulut en laiſſer des témoignages apres ſa mort, ayant choiſi le lieu de ſa ſepulture en l’Egliſe de Noſtre Dame de Barbeau à vne bonne lieuë de ce Chaſteau Royal, laquelle il auoit fait baſtir au bord de la riuiere de Seine, * Rigordus in Ludonico Septimo. * où Alix, ou Adelle ſa femme luy fit éleuer vn tombeau enrichy d’or, d’argent, & de diuerſes pierres precieuſes. Belleforeſt liure 3. ch. 58. de ſes Annales de France. Vn Autheur moderne a remarqué qu’en l’an mil cinq cens ſoixante & ſix, le Roy Charles IX. eſtant en ce lieu de Fontainebleau on ouurit ce tombeau ſon commandement, où le corps de noſtre Louys Septiéme fut treuué encore entier, auec ſes veſtemens Royaux, quelques anneaux aux doigts, & vne Croix d’or qui luy pendoit au col.
III. Le Roy Philippe Philippe Auguſte ſon fils, autant heritier de ſes vertus comme il le fut iuſtement de ſon Sceptre & de
