le Diaphane corps de l'air tonnant d'orages & de foudres, l'affreuse obscurité de nos forestts, & des secrettes vallées où vous vous esbatez : car tel est nostre vouloir. Donné dedans e creux de nostre averne parmy les lamentables cris des miserables persecutez, &c.
Ce qu'ayant leu & fort exactement consideré, me pria de le suivre (non loing) desireux de me faire voir le lieu par lequel il avoit perdu la tenebreuse voye pour gaigner este belle clairté du jour, & prenant le chemin d'un petit destour, auunement oblique, arivasmes entre deux inaccessibles rochers, derriere l'un desquels il me monstra un gouffre caverneux, par lequel il estoit sorty de la voye Tenarienne, vomissant je ne sçay quelle jaunastre & pestifere fumée, qui ne me rendit moins estonné que fut Apollo quand sur le
