Page:D’Engeville - La conqueste des enfers par l’invincible Gontal, 1609.djvu/15

ce grand palais d'Erebe qu'il commença de luy faire entendre, qu'un petit bazané d'Espagne nommé Crocquepie (se ventant d'avoir faict gronder les canons de l'Auguste François) s'estoit installé n'agueres és champs Elisées, & que non contant de la possession d'un si beau reigne se vouloit encore authoriser des Enfers, où à toute heure on le voioit estendre ses courses ravageuses que les Esprits en restoient troublez, & que ce brave Pluton, qui pour ne degenerer à la gloire de ses ancestres, aymeroit mieux perdre son estat qu'un point de l'honneur qui anime les grands courages, s'estoit resolu de faire forger deux poignards & deux espées pareilles pour luy (donnant le chois des armes) venir aux mains de gallantise, & voir s'il sçavoit aussi bien tailler du vaillant que du bravache, combien qu'il