Page:D’Engeville - La conqueste des enfers par l’invincible Gontal, 1609.djvu/10

mains noyez de leurs journalieres fureurs restoient estendus dedans la sommeilleuse carriere de Morphée. A quoy il luy repartit, que là où la force dominoit, les loix demeuroient estaintes, qu'il estoit contraint de cheminer la nuict pour se trouver au jour en quelque estrange païs eslongné de sa natalle terre pour les causes sus specifiées, qu'il luy declara de point en point ainsi que je les ay c devant desduittes, & ne luy eut sur ces intermedes si tost rendu compte de sa condition qui le pressa de se donner à luy, l'asseurant de l'employer en ce bel art le residu de ses jours, sans qu'il regoustast jamais aux aspres fruits de l'indigeance, qu'il le meneroit en un regne où ceste glorieuse invention des armes n'estoit point encore usagée, & que restant seul de sa condition parmy un peuple le plus