Page:Crépet - Les Poëtes français, t1, 1861.djvu/449

399

POÉSIES D’ALAIN CHARTIER.

Voue et jure d’estre loyal servant,
A tousjours mais^[1], tant qu’il sera vivant,
Mais peu luy dure.
Il oit apres quelque response dure,
Et veoit aucun qui quiert^[2] son adventure,
Ou l’en luy dit quelque parolle obscure,
Dont il se doubte^[3].
Si pert à coup^[4] celle grant joye toute,
Se deult et plaint plus que s’il eust la goutte ;
Il va, il vient, il se couche, il s’acoute^[5],
Il fuyt les gens ;
Il vient à l’huys et puis rentre dedens,
Il dit qu’il a mal de teste ou des dens ;
Au lict se met, puis envers, puis adens^[6],
Si se tempeste,
Et de veiller rompt son corps et sa teste.
Ne n’a plaisir de joye ne de feste,
Et tout seul fait sa plainte et sa requeste.
Pensif et morne ;
S’il est couché d’ung lez^[7], de l’autre tourne,
Puis se lieve, puis coucher s’en retourne,
Et luy tarde bien que le jour^[8] n’adjourne,
Afin que d’elle
Il puisse avoir ou rapport ou nouvelle,

Et qu’elle dit^[9] et comme elle l’appelle.

 

---

BALLADE

O folz des folz, et les folz mortelz hommes,
Qui vous fiez tant ès biens de fortune
En celle^[10] terre, ès pays où nous sommes,
Y avez-vous de chose propre aucune ?

1. Pour toujours, du moins.
2. Cherche.
3. Qui lui donne quelque doute.
4. Tout à coup.
5. Il s’accoude.
6. Tantôt sur le ventre, tantôt sur le dos.
7. Côté.
8. Arrive.
9. Ce qu’elle dit.
10. Cette.