toute sorte d’instruction ; m’ayant réitérément pressé de sçavoir votre intencion sur ce subjet, et que ceulx de la noblesse du pays suyvant Son Exccllance de Galas, ny mesme les aultres ne le sceyt pas, et surtout il vous plaira que les présentes soient comme vers vous ; j’attendray donc sur le tout vos commandemens et qu’il vous plaise m’ordonner quelque arche attoulemoings sûr, vers Lavinier, prévoyant que l’armée prendra son chemin du costel de Morey, tirant au Féy, à Frette et droict à Langre, où est l’ennemy, jaçoit qu’il ne l’ayt encore dict, et que l’on ne peult sçavoir leur dessain qu’estant prest à marcher.
Je suis encore contrainct de vous dire que les habitans de Port-sur-Saône, ayans veu les cadres qu’il vous a pleut me confier, n’ont voulu ceulement donner le passage par leur lieu, pour aller garder le pont, à celuy anvoyé de ma part pour condhuire les gens de Son Excellance, et ont faict des protestacions contre moy, pour leur avoir faict donner quelque peu de vin et pain aux soldats y passé, selon que le quartier maistre général l’avoit ainsy ordonné, et que estait en tant nécessaire. Si chascung en vouloit ainsy user, il ne fauldroit poinct de commandement.
Remectant tout à vostre prudance, je me continueray au debvoir. Messieurs, et vostre très humble serviteur. J. BRESSON.
De Conflandey, ce 13 septembre 1636.
A la fermecture des miennes, le porteur d’icelles m’a dict que les Suédois avoient ce jourd’hui brusié Jussey et quelques aultres villages de la frontière, et qu’ils avoient parus plus de trois mille chevaulx.
Lavigney, 13 septembre 1636. — Gallass à la Cour.
Il se plaint des vivres et des violences des paysans. Diverses demandes.
Messieurs, par la lettre que S. M. le roy d’Hongrie m’at faict l’honneur de m’escrire, il me mande que M. le marquis de. Ca-tanéda, ambassadeur extraordinaire de Sa Majesté Catholique en Allemagne, lui a promis et asseuré que ses armées icy venans au secours de vostre province, y trouveroient infailliblement toute sorte d’assistance de pain, viande, de munitions de guerre et de canon,
