1290. Le comte Othon IV ordonne à Guy III de Jonvelle d’empêcher la construction d’un château fort à Richecourt.
Nos Othes, coens palatin de Bourgoingne et sires de Salins, faisons savoir à tous que coustume générale est, en tout nostra conté de Bourgoingne, que nulz ne puet faire maison fort ne autre forteresse dedans la chastellenie d’un chastel d’un autre, sans la volunté dou seigneur dou chastel, ou dedans autruy justice ; et le il le fait, ly sires qui ai la seignorie ou la justice, la puet abattre sans autoritey d’autre personne, ou se il ne le fait, li chier sires san puet panre à luy. Et Guiot, sires de Jonvelle, nos anst monstrey que messire Forques de Rigney façoit et édifioit maison fort à Ricbecort contre sa voluntey, liquel leux est si comme il dit dedans la chastellenie de Jonvelle ; pourquoy nous avons fait enquérir diligemment de ceste chouse et avons trouvey, parbounes gens, que ladite maison de Richecort estoit et est dedans les poin de laditte chastellenie de Jonvelle et dedans le paiages doudit Guiot, et en partie en la propriétey et en l’éritaige doudit Guiot. Pourquoy nous commandames audit Guiot que de ceste chouse fiat son davoir, ou nos nos en panriens à luy. En tesmoing nous avons fait matre notre seel en ces lettres. Douné à Columpne, le vanredy après l’Apparition (Epiphanie), l’an Notre Signour mil CC et nonante.
(Archives de la Côte-d’0r, Recueil, t. II, p. 821 et 822.)
1329. Philippe de Jonvelle confirme l’abbaye de Saint-Vincent dans ses possessions de la terre de Jonvelle.
Nos officiaux de la court de Besançon, façons savoir à tous que, en la présence de Thomas Cochy, clerc de Besançon, publique notaire de l’authoritey l’Emperahour et jurié de la court de Besançon,
