Cette page n’a pas encore été corrigée
IO LE THRESOR DU SOÑET
DIALOGVE
PHILANDRE, ET TOLOSE
philandre.
GÉNÉREUSE cité, pour m’enfler le courage,
Tu presentes encor ce beau monstre à mes yeux,
Ces escripts d’une femme, esprit prodigieux,
Outre tant de grands dons qui decorent nostre aage !
Mais dy moy, je te pry, (car un chacun t’outrage)
Puisque riche tu es d’enfans si pretieux,
Beaux thresors de la terre et beaux presens des cieux,
Que ne leur es tu douce et non pas si sauvage ?
tolose.
Je te diray que c’est : C’est le ciel envieux
Qui cognoit bien, voyant fleurir si glorieux
Le don que j’ay receu de luy mesme en partage,
De meint enfantement si celebre en touts lieux,
Que s’il m’avoit encor donne cest advantage,
Au lieu d’esprits divins j’enfanterois des Dieux.
