Page:Chrétien de Troyes - Roman de Perceval le Gallois - MS 248.pdf/98

Maintenant cil monte amont
Tant quil vint en sou le mont
Et quant il fu en son le pui
Si esgarda loign devant lui
Si ne vit rien fors ciel et terre
Et dit que sui ge venuz querre
La musardie et la bricoigne
Deus li doinst hui male vergoine
Celui qui ca ma envoie
Si mal il or bien avoie
Que ce me dist que ge verroie
Maison quant ca amont serroie
Peschiere qui co me deis
Trop grant deslaute me feis
Si tu le me deis par mal
Lors vit devant lui en un val
Le chief aune tor que parut
Len trovast jusqua barut
Si bele ne si bien assise
Quarree fu de roche bise
Savoit.ii. torneles en tor
La sale fu devant la tor
Et les loges devant la sale
Li vaslez cele part avalé
Et dit que bien la envoie
Cil qui lavoit la envoie
Si se ？ des pescheor
Mes apele mais ？
Ne des ？ ne mencongier
Des que il trouve un hervergier