De meisniéé et de conseil
Son seïgnor taint de sanc vermeil
Vit. et si nel conut pas
Ancois a dit isnelepas :
Seignor baron oez merveilles
Li vaslez as armes vermeilles
Envoie ca. si me creez
Cel cheval. que vos vééz
Il la conquis. gen sui toz cerz
A ce quil est de sanc coverz
Ge conois bien le sanc de ci
Et lui meisme altresi
Quil est messire et ge sis hon
Clamadeus des isles a non
Et ge cuidoie quil fust
Cels chevals quil neust
Meillor en lempire de rome
Mais il meschiet bien aprodome
Issi Aguigarons parla
A tant Clamadeus parvint la
Et li uns contre lautre cort
Si sentrevienent en la cort
Ce fu a une pentecoste
Que la reine sist de joste
Le roi Hartu alchief del dois
Si ot contes et ? et rois
Moult et reines. et contesses
Et fu apres totes les messes
Que venu furent del mostier
Les dames et li cheval.
Page:Chrétien de Troyes - Roman de Perceval le Gallois - MS 248.pdf/89
Cette page n’a pas encore été corrigée