Page:Chrétien de Troyes - Roman de Perceval le Gallois - MS 248.pdf/86

Et por le vin et por la char
Vos en donrons chargie un char
Et plus si faire le besoïgne
Or ont bien faite lor besoïgne
Cil qui achatent et qui vendent
A la nef deschargier entendent
Sen font tot devant als porter
Por cels de denz reconforter
Quant cil del chastel venir voient
Cels qui la vitaille aportoient
Croire poez que grant joie orent
Et al plus tost quil onques porent
Firent le mangier atorner
Or puet longuement sejorner
Clamadeus qui juche dehors
Que cil de denz ont et bues et pors
Et char saléé a grant foison
Et froment ？ que la saison
Et li queu ne sont pas oiseus
Li garcon alument les feus
Ce cuisses (iner) al mangier cuire
Or se puet li vaslez deduire
Delez samie tot aaise
Quil la cole sovent et baise
Si fait li uns de lautre joie
La sale nest mie coie
Ancois ia moult joie et bruit
Por le mangier font joie tuit
Que moult avoient coveitie
Et li queu ont tant esploitie