Page:Chrétien de Troyes - Roman de Perceval le Gallois - MS 248.pdf/84

De prodome si li meschiet
Si con dampnedeu plaist et siet
Chiet bien ou mal. ？ home
Perdu avez ce nest la some
Mais il nest sainz qui nait sa feste
Chave est sor nos la tempeste
Si sont li nostre mehaïgnie
Et cil de denz ont gaignie
Mais il reperdront ce sachiez
Les ielz ambeduus me sachiez
Sil demorent lainz andos
Vostre iert li chastials et la tors
Quil se metront tuit en merci
Si vos poez demorer ci
Tant solement hui et demain
Si ert li chastiaus en nostre main
Neis cele qui tant vos a
Refuséé vos priera
Por deu que vos la deigniez prendre
Lors font tres et paveillons tendre
Cil qui aporte les jorent
Et li altre si con il porent
Se logierent et atornerent
Et cil del chastel des armerent
Les chevals quil oren pris
Nentor nen fer nes ont mis
Mais quil plevissent solement
Come cheval. loiavement
Que il loial prison tendroient
Ne ja nul mal ne lor queroient