Page:Chrétien de Troyes - Roman de Perceval le Gallois - MS 248.pdf/8

et ge aorerai cestui
et toz les angles avoc lui

Maintenant vers terre se lance
et dit trestote sa creance
et oraisons que il savoit
que sa mere apris li avoit
Et li mestres des chevaliers
le voit et dit. estez ariers
qu’a terre est de peor cheuz
cil vaslez qui nos a veuz
Se nos alions tuit ensemble
vers lui. il auroit ce me semble
si grant peor. quil morroit
He respondre ne me porroit
a rien que ge li demandasse
Quil sarestent. et il senpasse
vers le vaslet grant aleure
si le salue. et asseure
et dit vaslet naiez peor
？ e lai ge par le Salveor
fait li vaslez. en cui ge croi
Estes vos deus ? nenil par foi
Qui estes vos döo ? chevals sui
Ainc mes cheval’. ne conui
fait li vaslez ne neur
Honques mes parler nen oi
mais vos estes plus biax que deus
Car fusse ge or altre reus
Ausi luisanz et ausi faiz
A cest mot. pres de lui sest trez