Page:Chrétien de Troyes - Roman de Perceval le Gallois - MS 248.pdf/36

Est il espoir. moult gentils hon
Et si ce li vient daprison
Quil ait este avilein mestre
Encor puet preuz et sages estre
Vilainie est daltrui gaber
Et de prometre sans doner
Prosdom ne se doit entremetre
De rien nule a altrui prometre
Que doner ne li puisse et voille
Que le malgre celui nacoille
Qui sans promete est ses amis
Et des que il li a promis
Si bée a la promesse avoir
Et porce si poez savoir
Quassez mielz vendroit véér
A home que faire. baer
Car qui le voir dire en voldroit
Lui meisme gabe et de coit
Que fait promesse et ne la solt
Que le cuer son ami se tolt
Issi li rois a que ？ parloit
Et li vaslez qui sen aloit
A une pucel veue
Bele et gente si le salue
Et ele lui si li rist
Et en riant si lui dist
Vaslet si tu vis par aage
Ge croi et pens en mon corage
Quen testot le monde naura
Nil ni est. neni saura