Estoit ci venue seoir
Por conforter et por veoir
Cez cheval qui fut blecie
Ne meust gaires correcie
Li chevals. de quanquil fist
Mais devant moi ma cope prist
Et si folement len leva
Que sor la reine versa
Tot le vin dont ele estoit plaine
Ci ot veure laide et vilaine
Que la reine en est entréé
En la chambre si enflaméé
Dire. et de duel que le ？
Ne ge ne cuit si dex mait
Que le puisse eschaper vive
Li vaslez ne prise une cive
Quanque li rois dit et conte
De son duel. ne de la honte
La reine. ne li enchaut il
Faites moi cheval fait cil
Sire rois. car aler men voil
Cler et riant furent li oil
En la teste al vaslet salvage
Nus qui lov nel tient a sage
Mais trestuit cil quil veoient
Por bel. et por fol le tenoient
A nul fait li rois descendez
Et vostre chaceor rendez
A cel vaslet sil garda
Et vostre volentez fera
Page:Chrétien de Troyes - Roman de Perceval le Gallois - MS 248.pdf/32
Cette page n’a pas encore été corrigée
