Page:Chrétien de Troyes - Roman de Perceval le Gallois - MS 248.pdf/100

Qui fut entre iiii. colomes
Len puist bien.iiii. e. homes
Asseoir environ le feu
Seust chascun aaise leu
Les colomes moult forz estaient
Car un cheminel sosten orent
Darain espes et haut et le
Davant lor seïgnor sont ale
Cil qui lui ameinent son oste
Si que chascuns fu de coste
Avant li sires le vit venant
Si le salua maintenant
Si dit amis ne vos sont grief
Si ge contre vos ne me lief
Que ge nen sui pas aisiez
Por deu sire or vos taissiez
Fait cil quil ne me grieve point
Si deus joie et sante me doint
Li prosdom por lui tant se grieve
Que tant con il puet se soz bieve
Et dist amis ca vos traiez
Ja de moi ne vos esmaiez
Si seez ci seuremant
Lez moi que gel vos ？
Li vaslez sest lez lui assis
Et li prosdom li dist amis
De quel part venistes vos hui
Sire fait il hui matin mui
De del repaire issi a non
Si mait deus fait li prosdom