Tu mourras de ce péché quitte.
Et se briefment ne t’en desdis
Prescher te ferai hérétique
Et brusler ton livre et tes dits ;
En la loi d’amour sont maudits,
Et chacun m’en fait les clamours
Les lire à tous est interdits
De par l’inquisiteur d’amours.
Tu veux mon pouvoir abolir,
Et qu’honneur et bonté s efface,
Quant tu quiers des Dames tollir
Pitié, merci, douceur et grâce.
Guides tu doncques que Dieu fasse
Entre les hommes sur la terre
Si beau corps, et si douce face,
Pour leur porter rigueur et guerre ?
Nenny, non, il n’y pensa oncques.
Car jamais faites ne les eust
Plus plaisans que choses quelconques
Que sur terre faire l’en pust,
S’il ne veist bien et de vrai sust
Qu’elles dévoient le vert porter,
Qui par droit les hommes deust
Resjouir et reconforter.
