stature droitte, la forme et le port, dequoy les sages, mesme les stoïques, on fait tant de cas, qu'ils ont dit valoir mieux estre fol en la forme humaine, que
nouil, qui est en l’homme seul au devant, 9. si grande longueur du pied au devant, et qui est si court au derriere, 10. saignée du nez, chose estrange, veu qu’il a la teste droicte, et les bestes baissée, 11. rougir à la honte, 12. pallir à la crainte, 13. les causes ou raisons de toutes ces singularités sont belles, mais ne sont de ce nostre pris faict (a).
Les biens du corps sont la santé, la beauté, l’alegresse, la force, la vigueur, l’adresse et disposition ; mais la santé passe tout.
Les principales et plus nobles pieces des externes sont les sens corporels ; et des internes, le cerveau, le cœur, le foye, et puis les genitoires, et les poulmons.
L’excellence du corps est generalement en la forme, droiture et port d’iceluy : specialement et particulierement en la face et aux mains, qui sont les deux parties que nous laissons par honneur nues. Certes les sages mesmes stoïques ont tant fait de cas de la forme humaine, qu’ils ont dit vouloir mieux estre fol en la forme humaine, que sage en la forme brutale, preferans la forme corporelle à la sagesse.
Le corps de l’homme touche fort peu la terre ; il est droict tendu au ciel, où il regarde, se voit et se cognoist, comme en son miroir : les plantes tout au rebours ont la teste et racine toute dedans la terre ; les bestes comme au milieu l’ont entre deux, mais plus et moins. La cause de ceste droicture n’est pas proprement l’ame raisonnable, comme il se voit aux
(a) C'est-à-dire « mais ne sont pas pour cela notre prix fait. » — Bastien a mis notre prins faict, quoiqu'on lise nostre pris faict dans la première et le seconde éditions.
